Кормак: Санкциите против Додик не се лесно воведени
Амбасадорката на САД во Босна и Херцеговина Морин Кормак изјави дека санкциите против претседателот на Република Српска Милорад Додик не се лесно наметнати, па не можат ниту да бидат брзо укинати.
- САД лесно не наметнува санкции. Тоа е процес за кој внимателно се размислува и се заснова на јасни стандарди на владеењето на правото. Она што го бараме, кога ги наметнуваме санкциите, е да се промени политиката и пристапот. Во овој случај тоа се однесува на Дејтонскиот договор. Промената на политиката во однос на тоа би овозможило укинување на санкциите. Но, тоа е многу долг процес, објасни Кормак за „ЕуроБлиц“.
Таа нагласи дека доколку Додик ја промени политиката, ја заврши приказната за референдумот за отцепување и ако презентира целосно почитување на Дејтонскиот договор и одлука на Уставникот суд во БиХ, ќе и биде задоволство да се состане со него, додавајќи дека средбата со Додик зависи од него.
- Од она што опишав многу е јасно дека ова не е флексибилна краткорочна политика, туку подразбира неколкумесечно работење на на различни агенции и размисување за тоа што довело да се случи ова. Дебатата за ова, почна во септемви по референдумот во Република Српска, со што се прекрши одлуката на Уставниот суд на Босна и Херцеговина, наведе Кормак.
Замолена да го прокоментира тоа што Додик ја прогласи за непожелна во Република Српска, таа истакна дека е свесна за неговиот коментар, но дека граѓаните за време на посетата и посакале добредојде.
- Јас ги претставувам САД и нашата амбасада и она што го имаме е долгогодишна соработка со Република Српска, со градовите, властите на ентититетите и тоа со посредување на проектите што ги спроведува УСАИД, нагласи амбасадорката на САД во БиХ, додавајќи дека нема индиција оти политиката на САД ќе се промени кон БиХ по доаѓањето на новата администрација.
Зборувајќи за најавите на новата американска администрација дека би можела да ги преиспита позициите на кариерните дипломати, Кормак потенцираше дека очекува да остане до крајот на мандатот, како и дека тоа и е потврдено од страна на Вашингтон.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка