Корејскиот Полуостров одбележува 64 години од завршувањето на Корејската војна
На Корејскиот Полуостров денеска се одбележува 64-годишнина од завршувањето на Корејската војна и од влегувањето во сила на спогодбата за прекин на судирите, која тогаш беше договорена, јави ДПА.
Јужна Кореја им оддава почит на војниците, кои загинале за време на судирите, кои траеја од 1950 до 1953 година и завршија на 27 јули 1953 година со спогодба за прекин на борбените дејствија. Северна Кореја тој ден го нарекува Денот на победата, кој и за неа е празник.
Изминатите недели се појавија информации дека Северна Кореја за денеска можеби подготвува нова ракетна проба, која ќе се совпадне со празникот. Портпаролот на Пентагон, капетанот од военопоморските сили Џеф Дејвид вчера сепак ги отфрли тие информации како шпекулации.
На 4 јули Северна Кореја успешно истрела меѓуконтинентална балистичка ракета. Еден ден потоа САД и Јужна Кореја организираа заеднички балистички ракетни вежби, кои имаа цел да и дадат предупредување на Северна Кореја.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка