Македонија
7. December 2017 - 8:44

Конференција „Заробена држава – политички, социјални и економски интереси“

По повод меѓународниот Ден на борба против корупција денеска во Скопје ќе се одржи конференција  „Заробена држава – политички, социјални и економски интереси“, во организација на платформата на граѓански организации (ГО) за борба против корупција.

На конференцијата, како што е најавено, ќе се обратат вицепремиерот и министер за внатрешни работи Оливер Спасовски и директорот на канцеларијата за развој на УСАИД Едвард Гонзалез.

Платформата на граѓански организации (ГО) за борба против корупција вклучува 15 граѓански организации, кои во моментот го спроведуваат проектот насловен „Зајакнување на Платформата на ГО за борба против корупцијата“ финансиран од страна на Проектот на УСАИД за граѓанско учество. Проектот има за цел да се зголеми влијанието на граѓанските организации поврзани со борбата против корупцијата во Македонија.