Конференција „Градење на мостови помеѓу истражувањето во бизнисот и потребите на индустријата“
Факултетот за бизнис при Универзитетот на Југоисточна Европа во Тетово денеска организираше меѓународна конференција на тема „Градење на мостови помеѓу истражувањето во бизнисот и потребите на индустријата“.
Според ректорот на УЈИЕ Замир Дика, главна цел на конференцијата е деловната заедница да се запознае со наставната програма на Универзитетот, а високошколска установа да ги дознае потребите на пазарот на трудот.
- Интеракцијата меѓу универзитетот и бизнисот е двигател на иновацијата, а иновацијата треба да биде во сржта на компетитивна економија и општество. Имаме големо задоволство што многу професори тука ќе ги претстават своите трудови и најнови сознанија за оваа тема како наш придонес во развојот на општеството, изјави Дика.
На денешната конференција свое излагање имаше и Пол Сергиус Коку, професор на Универзитет во Флорида, истакнувајќи ја важноста на врската помеѓу деловната заедница и академското истражување.
- Мојата денешна презентација се однесува на пополнување на јазот и поврзување на деловната заедница со академското истражување. Целта на конференцијата е да се поврзе деловната заедница, стопанството, тие што се директно вклучени во практиката со академскиот дел, професорите и студентите за да можат да имаат подобра соработка во иднина. Со ова се надеваме дека ќе постигнеме понатамошни резултати и директно ќе биде вклучена деловната заедница во подготвувањето на она што е потребно на пазарот на трудот, рече Коку.
На конференцијата беа претставени и истражувачки трудови на оваа тема од повеќе професори од Универзитетот и надвор од него.
Ново на Сител
-
Советот НАТО-Украина ќе одржи вонреден состанок за противвоздушната одбрана на Киев
-
Спречен нов атентат врз Зеленски, уапсен Полјак кој соработувал со Русите
-
Бојмацалиев: Една година ФРОНТЕКС - прв договор потпишан на македонски јазик со ЕУ
-
Избрани 12 поротници за судењето против Трамп
-
Директорот на ЦИА предупредува дека Украина би можела да ја изгуби војната до крајот на годинава ако Конгресот не ја одобри помошта за неа
-
Кривична пријава за директор на ЈП „Стрежево" Битола за злоупотреба на службена положба и злоупотреба на постапка за јавен повик
-
Притвор за еден од осомничените за кражбата на сефот од маркет во Црниче
-
ЦУК: Изминатото деноноќие 1 709 повици на 112, нема пожари на отворено