Коѕијас: Грција ќе го поддржи членството на Косово во меѓународни организации

Шефот на грчката дипломатија Николаос Коѕијас на средбата со косовскиот премиер Исa Мустафа изјави дека Атина ќе го поддржи зачленувањето на Косово во меѓународните организации.

Како што јавија приштинските медиуми, Коѕијас избегнал да одговори на новинарско прашање дали Грција ќе го признае Косово.

- Грција ќе му помогне на Косово да се зачлени во некои меѓународни организации, посочи Коѕијас, додавајќи оти Атина ќе отвори Канцеларија за соработка меѓу Грција и Косово.

Мустафа му се заблагодари на Коѕијас за поддршката од Грција за Косово.