КК Работнички ќе бара намалување на странците во домашното првенство

 

 

 

 

Овој став на КК Работнички доаѓа по најавата за промени на промени на Статутот и Регистрацискиот правилник на МКФ, со кои се предвидува одземање ингеренции од клубовите, со што клубот не се согласува, а од друга страна „центарци„ излегуваат со свој конкретен предлог, како да им се даде шанса на младите македонски играчи.

 

Во продолжение во целост ви го пренесуваме соопштение упатено на МКД и јавноста на КК Работнички: 

 

„КК Работнички АД Скопје ги разгледа и детално ги анализираше предлог промените во Статутот и Регистрациониот правилник, по што не се согласува со предложените измени.

 

Ова од причина што истите го одземаат и она мало влијание на Здружението на прволигаши во однос на текот и организацијата на натпреварувањата, но исто така не се согласуваме со сегашната состојба во која право на настап во домашната лига имаат дури 6 странски играчи во секој тим. За таа цел КК Работнички предлага:

 

- Надлежностите и форматот на Здружението на прволигаши да остане во досегашните рамки

 

- Бројот на регистрирани странски играчи да се намали на максимални 3 во секој тим се со цел домашните играчи да добијат поголем можност за докажување во првата македонска лига – мажи.

 

Предлозите на КК Работнички се конструктивни и се за доброто на македонската кошарка и за овие предлози бараме подршка од сите кошаркарски клубови како и од Здружението на кошаркари на Македонија“, се вели во соопштението’’.

 

Дали овој предлог на Работнички ќе го прифатат и останатите клубови, пред се одние со прволигашки статус, останува да се види на Собранието на МКФ кое е закажано за 23 април.