Македонија
26. July 2015 - 12:00

Ќе има ли разладување попладне со дожд?

Попладне ќе има локален развој на нестабилна облачност со пороен дожд и грмежи, особено во западните и јужните делови, а не е исклучена и изолирана појава на краткотрајно невреме со засилен ветер и ретка појава на град,соопшти УХМР.

Инаку, времето денеска ќе биде сончево и топло со мала до умерена облачност. Максималната температура ќе биде во интервал од 31 до 38 степени, УВ индексот ќе изнесува 8.

Во текот на утрешниот ден ќе настапи постепено стабилизирање на времето, но во источните делови сеуште е можна изолирана појава на краткотраен дожд со ретки грмежи.

Потоа до петок следува стабилно суво и многу топло време, температури на повеќе места над 35, а долж Повардарието и над 40 степени.