Кери и Лавров разговараа за спроведување на примирјето во Сирија
Американскиот државен секретар Џон Кери и рускиот министер за надворешни работи Срегеј Лавров денеска имаа билатерална средба на маргините на Безбедносната конференција во Минхен, на која станало збор за конкретни чекори за спроведување на постигнатиот договор за еднонеделен прекин на огнот во Сирија.
Како што јави ТАСС, портапролот на руското Министерство за надворешни работи, Марија Захарова соопшти дека средбата, која била организирана на барање на САД, траела 40 минути.
Според Захарова, Лавров и Кери на средбата ја потенцирале потребата од меѓусебна соработка „за спроведување на сето она што е договрено“ за време на средбата на Меѓуанародната група за поддршка на Сирија, што се одржа во четвртокот вечерта во Минхен и на која беше постигант договорот за примирје.
Кери претходно денеска во Минхен изјави дека ќе стори се што е во негова можност да се спроведе договорот за примирје во Сирија, реагирајќи на ставот на Лавров дека шансите се спроведување на договорениот прекин на огнот се под 50 отсто.
- Веројатноста за пропаѓање на примирјето е поголема од шансите за негов успех, изјави Лавров во обраќањето на Безбедносната конференција во Минхен, додавајќи дека за спроведување на договорот за прекин на огнот и за надминување на хуманитраните проблеми потребна е соработка и непрекината координација меѓу Русија и САД.
Коментирајќи ја изјавата на Лавров, Кери кусо одговори дека „му се допаѓа неговиот оптимизам“.
Ново на Сител
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање