Кавадарци со три проекти за прекугранична соработка со Грција
Кавадарци со три проекти за прекугранична соработка заедно со Грција има аплицирано за европски пари, информира Тодор Ефремов, раководител на Секторот за локален економски развој при општина Кавадарци.
Се работи за проекти од областа на екологијата. Во еден проект Кавадарци е водечки партнер.
- Главната цел на проектот е набавка на нова станица за мерење и мониторинг на квалитетот на воздухот во Кавадарци, а меѓу другото и набавка на опрема за одржување на настани на отворено, спортови во воздух. Се работи за активности за заштита на воздухот, но и за промоција на спортовите во воздух како на пример параглајдерство, појаснува Ефремов.
Партнери на Кавадарци во овој проект се општината Едеса и тамошниот аеро клуб, Образовниот технолошки институт „Александар“ од Солун, општина Прилеп и Аеро клубот од Битола.
Во другите два проекта кавадаречката општина е само партнер.
- Еден од проектите е „Одржливо живеење во пограничната област“ и има за цел намалување на загадување на воздухот од автомобилите. Ќе се гради тротоар во индустриската зона во градот која започнува од новиот кружен тек, крај бензинската на „Макпетрол" па води кон индустриските капацитети, каде има најголем број вработени, кажува Ефремов.
Целта е, како што нагласува, да се обезбеди алтернативен начин за движење на сите работници преку користење на пешачка зона за движење пеш и со велосипед.
Вториот дел од истиот проект подразбира промовирање на велосипедизмот во општина Кавадарци, како алтернативен превоз кој не загадува.
Третиот проект е „Иновација на иновативни интеграциски системи во менаџирањето на водата и заштитата на растенијата„.
- Со овој проект е предвидена набавка на метеоролошки станици лоцирани на мини локации. Тие ќе мерат температурни разлики и влажност на воздухот. Ќе даваат праметри за појавата на болести кај лозјата, со цел прекумерно да не се употребуваат пестициди и прекумерно да не се наводнува, додава Ефремов.
Ново на Сител
-
Студентите не можат да ги искористат можностите во целост бидејќи Македонија не ги следи европските трендови
-
Македонија со најмал број студенти по новинарство во регионот, преку проекти се нуди решение за проблемот
-
Србија на нозе, втор ден се трага по 2 годишната Данка
-
Преглед на вестите од светот
-
Централна прослава за членството во НАТО
-
Тошковски: Сериозно сум загрижен за изборниот процес
-
Азески: Нема да дозволиме да не лажат политичарите
-
Мицкоски: Ќе намалуваме даноци но прецизно ќе ги наплаќаме