Кавадарци е прво по нови вработувања и намалување на невработеноста
Кавадарци е на прво место меѓу градовите во државата по нови бројот на вработувања и намалување на невработеноста, информира денеска Благојчо Борисов, раководител на Центарот за вработување од Кавадарци.
Компарирајќи ги бројките од 2006 и 2016 година, тој подвлече дека на крајот на август 2006 година во Кавадарци имало 8.761 невработено лице, а истиот период оваа година, имало 3.733 невработени. Стапката на невработеност во моментов изнесува околу 9.8 отсто.
- Очигледна е големата бројка на вработеност и смалување на невработеноста која ја имавме. Успехот е во активните мерки кои почнаа да се спроведуваат од Агенцијата за вработување на Република Македонија, под покровителство на Владата на Република Македонија. Резултатите се зголемуваат од година во година и од нив можеме да бидеме задоволни сите, нагласи тој.
Борисов се осврна и на активните мерки за вработување кои се актуелни во моментов, потсетувајќи на сите поволности кои се нудат.
- Има интерес за тековните мерки. Ги охрабруваме сите заинтересирани дека им се нудат можности, бенефити и помош и самите да си го обезбедат своето вработување. Околу две илјада лица од 2006 година па наваму, се вработиле на овој начин, додаде раководителот на Центарот за вработување.
Тој информираше и за ефектите од двете фази на проектот „Македонија вработува”.
- Во рамки на „Македонија 1” се вработени 307 лица. Во тек е „Македонија вработува 2”, досега се вработени 44 лица. Мерката трае до 28 јуни 2017 година, рече тој.
Во Центарот за вработување во Кавадарци сега има евидентирано 2.007 невработени лица, од кои 1.020 се пасивни и не бараат работа. Најбарани се профилите кои имаат завршено технички науки. Како пример, Борисов соопшти дека во Кавадарци, Велес и Неготино, нема завршен професор по физика.
Ново на Сител
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово
-
Курти: Неизрекувањето санкции ја охрабрува агресивноста на Србија
-
Министерот Тошковски во посета на ОВР Кичево и полициските одделенија Зајас и Осломеј
-
Украден сеф со пари од менувачница во Чаир
-
Две жени пријавиле семејно насилство, едната од сегашниот другата од поранешниот сопруг