Каталонска сепаратистичка партија повика на „граѓанска непослушност“

Екстремно левичарската сепаратистичка каталонска партија „Кандидатура за народно единство“ повика на „масовна граѓанска непослушност“ во автономната област по одлуката на шпанската Влада да го активира членот 155 од Уставот.

Партијата, која е клучен сојузник во каталонскиот парламент на владејачката сепаратистичка коалиција на малцинството, ја оцени одлуката на премиерот Мариано Рахој како „најтешка агресија врз граѓанските, индивидуалните и колективните права на каталонскиот народ“ уште од времето на диктатурата на генералот Франсиско Франко во 1975 година.

 „Кандидатура за народно единство“ соопшти дека граѓанската непослушност ќе биде во вид на отпор без насилство, потврдувајќи дека во следните денови ќе бидат изнесени повеќе детали.