Кошарка
10. August 2017 - 20:56

Кадетите поразени од Грузија

Кадетската кошаркарска репрезентација на Македонија (играчи до 16 години) со висок пораз 88:53 од Грузија го почна настапот на Европското првенство Б дивизија што се игра во Софија, Бугарија. Резултат по четвртини: 15:19; 19:9; 21:14 и 33:11.
Нашите кадети добро го почнаа натпреварот и ја добија првата четвртина, а највисокото водство го имаа во 12.минута (23:15). Во продожение нашите кошаркари почнаа почесто да грешат и противникот до крајот на полувремето поведе со 34:28.
Во вториот дел Грузија постигна 54 поени со што стигна до високата победа. Најефикасен во македонскиот тим беше Андреј јакимовски со 27 поени. Натпреварот Македонија го заврши со 28 изгубени топки, слаба реализиација за еден поен 55% (11/20) и за три поени 19% (4/21).
На вториот натпревар од Д групата Португалија го победи Косово со 65:64, а вечерва се игра натпреварот Велика Британија - Луксембург.    
Утре нашата репрезентација ќе игра против селекцијата на Косово.