Кабул: Во напад на талибанци загинаа шест лица, меѓу кои двајца шпански полицајци
Најмалку шест лица, меѓу кои четворица авганистански и двајца шпански полицајци, се убиени во повеќечасовна престрелка меѓу авганистанските сили и талибанци во близина на амбасадата на Шпанија во Кабул, јавија денеска локалните власти.
Авганистанските сили спречиле самоубиствен напад на гостинска куќа за странци, во близина на шпанската амбасада, при што во престрелката и експлозии се убиени четворица талибански борци.
Талибанците нападот во дипломатскиот кварт на Кабул го започнаа синоќа, неколку часа откако претседателот на Авганистан Ашраф Гани изрази оптимизам дека мировните прегопвори со талибанците ќе бидат повторно отворени во следните неколку дена.
- Авганистанските специјални сили убија четворица напаѓачи кои извршија терористички напад во Кабул, изјави портпаролот на авганистанското Министерство за внатрешни работи Седик Седики, додавајќи дека во нападот се убиени и четворица полицајци.
Шпанските власти, исто така, потврдија дека во нападот се убиени двајца шпански полицајци.
Талибанците преземаа одговорност за нападот.
Ново на Сител
-
Врховен го укина притворот на таткото на Вања, определи куќен притвор и мерка на претпазливост
-
Грчки медиуми: Голема победа на опозициската ВМРО-ДПМНЕ
-
Во Тетово прегазен малолетен пешак
-
Утре и во сабота дожд, потоа стабилизирање на времето
-
СЗО за консумирање алкохол и електронски цигари кај адолесцентите: Состојбата е алармантна
-
Белгиски медиуми: Македонија оди во втор круг гласање од кој и зависи европската иднина
-
Ангелов: Граѓаните ја отпишаа СДСМ, сите заедно да ги отпишеме и ДУИ
-
Тројца уапсени во врска со истрагата за поткуп против рускиот заменик министер за одбрана