Јужна Кореја го отфрли повикот на Пјонгјанг за дијалог
Јужна Кореја денеска го отфрли повикот на Северна Кореја за дијалог, нагласувајќи дека Пјонгјанг мора итно да прекине со провокациите и да преземе „искрени“ чекори кон денуклеаризација, јави Јонхап.
Северна Кореја во неделата ја спомена потребата од преговори првпат откако Советот за безбедност на Обединетите нации усвои нова резолуција со санкции минатиот месец, како реакција на нуклеарната проба што Пјонгјанг ја изврши во јануари и лансирањето на ракета во февруари.
- Ја повикуваме Северна Кореја итно да прекине со провокациите и заканите и да почне со преземање мерки за денуклеаризација, базирани на сфаќањето дека всушност тоа е единственото решение, изјави претставник на јужнокорејското Министерство за надворешни работи.
Тој додаде дека се додека Северна Кореја не покаже волја и подготвеност за откажување од нуклеарната програма, Јужна Кореја и остатокот од светот ќе продолжат со притисокот врз неа.
Ново на Сител
-
ЈСП Скопје: Можни се технички проблеми при валидирање со телефон или апликацијата „Скопска“
-
Ангелов: Би работел за СДСМ но за плата од 5000 евра
-
МЗШВ: Лозарите добиваат гарантирана откупна цена на винското грозје
-
Македонија и 11 членки на НАТО ја зајакнуваат соработката за обука на воени пилоти
-
ССМ на 2 април на протест поради одлуката на Врховниот суд, ќе протестира и на 1 мај
-
Полицајци спроведуваат политичка кампања, училиште претворено во штаб на ДУИ
-
Приведено уште едно лице за убиството на докторот во Железара
-
Вработените во здравството најавуваат протест на 8 април