ЈСП и Фондот за иновации бараат подобри решенија за градскиот превоз во Скопје
Досега пет екипи се пријавиле на повикот за иновативни идеи за подобар јавен превоз во главниот град.
Надлежните и денес со апел сите заинтересирани млади иноватори и компании не постари од 6 години да се пријават и да ја искористат можноста да почнат иновациска дејност како и да помогнат за подобар, поквалитетен и побрз јавен превоз.
Треба да дадат иновативни идеи со кои ќе се намали метежот во автобуските линии кои се најоптоварени, како 5ка 15ка 22ка 19ка и 57ца.
За реализација на овие идеи од особено значење ќе бидат лабораториите на техничките факултети во кои државата инвестираше изминатиот период. Апликантите ќе можат да ги користат и таму да ги развиваат своите идеи.
Повикот трае до 15ти октомври. Најдобрите ќе добијат парична награда од 45 000 денари како и бесплатно користење на рекламниот простор на ЈСП, односно преку автобусите и постојките кои се нудат како рекламни површини.
-
Александра Десподовска
Сите содржини од овој новинар