Тенис
9. January 2017 - 23:12

Јотовски како „среќен губитник“ ќе игра на фјучрсот во Мајами

Најдобриот макеоднски тенисер Томислав Јотовски ќе настапува на фјучрсот во Мајами (награден фонд 15.000 долари, земјена подлога). Тој на турнирот ќе игра како „лаки лузер“ откако вечерва во последното коло (четврто) од квалификациите загуби во три сета од Мајкл Зу (САД) со 2-1 во сетови. Првиот сет го доби Зу со 6:2 во гемови, а Јотовски возврати со истиот скор во вториот сет 6:2. Во решавачкиот сет беше 7:6 (7:1 на поени) во гемови за Зу.

Јотовски во првото коло за противник го има Бразилецот Рикардо Хочевар (31.година) кој се наоѓа на 560 место, а во 2009 година бил и 149.место на АТП листата.
Јотовски утре ќе го одигра и првиот меч во конкуренција на двојки каде заедно со Мацеј Рајски од Полска ќе играат против Томислав Бркиќ (БиХ) и Никола Чачиќ (Србија).