Тенис
14. November 2017 - 13:07

Јотовски без настап напредуваше две места на АТП листата

 
 
 
Најдобриот македонски тенисер Томислав Јотовски бележи прогрес од две позиции на најновата АТП ранг-листа, објавена денеска. 
 
Иако Јотовски во изминатите две седмици е без настап на турнирите кои се бодуваат за АТП листата сепак, најдобриот македонски тенисер за разлика од минатата недела кога падна за четири, сега направи скок од две места. 
 
Јотовски кој во моментов е рангиран на 582.место на АТП ранг-листата, на која и во конкуренција на двојки има напредок од шест позиции, па сега е рангиран на 1023.место.
 
На врвот на АТП ранг-листата разбирливо нема промени, најдобри се на завршниот АТП турнир во Лондон, па така и натаму прв е Рафаел Надал пред Роџер Федерер и Германецот, Александер Зверев.