Свет
17. July 2017 - 13:57

Јордански војник осуден на доживотен затвор за убиство на тројца американски офицери

орданскиот војник Мани ал-Тувахја е осуден денеска од воениот суд во Аман на доживотен затвор со тешка работа под обвинение за убиство на тројца американски офицери, кои престојувале во Јордан за обука на припадниците на армијата.

Инцидентот се случи во ноември минатата година во јорданската воздухопловна база Ал Џафр.

Во текот на судскиот процес, обвинетиот војник тврдел дека не е виновен за убиство со предумисла кое однапред било планирано, како што беше официјалното обвинување на обвинителството.

Тој се бранел дека пукал по тројцата Американци откако нивното возило „навлегло во базата“.

Едниот од американските обучувачи беше убиен на самото место на инцидентот, додека другите двајца починаа подоцна во болница.

Јорданските власти во првичното објаснување по инцидентот, соопштија дека американските офицери биле убиени кога нивното возило не застанало пред влезот на базата.