Јоханес Хан во посета на Белград

Еврокомесарот за проширување и политика на соседство Јоханес Хан денеска ќе престојува во посета на Србија.

Хан во Белград ќе се сретне со премиерот Александар Вучиќ, претседателот на Собранието Маја Гојковиќ, лидерите на парламентарните групи, претставници на српските медикуми и новинари од ЕУ, кои се во посета на Србија, се наведува во соопштението на Делегацијата на ЕУ во Србија. 

Хан ќе одржи говор пред пратениците во српскиот Парламент. 

Тој во пресрет на посетата на Белград изјави дека отварањето на првите преговарачки поглавја, што е најавено за следната недела, ќе донесе нова динамика и ќе го забрза процесот на европски интеграции на Србија.

Хан изрази очекување дека поглавјата 24 и 24 за владеењето на правото ќе бидат отворени во првата половина од следната година, но додаде дека сега не може да се прецизира точно кога, бидејќи дебатата се уште трае.