Јилдирим: Турција нема да прифати курдска држава во Ирак
Владата на Турција нема никогаш да прифати постоење на независна курдска држава на територијата на соседен Ирак и нема да се поколеба да преземе соодветни мерки за да го спречи нејзиното формирање, изјави денеска турскиот премиер Бинали Јилдирим.
Тој ги повика лидерите на ирачките Курди да се откажат од плановите за референдум за независност на автономниот регон Ирачки Курдистан, додавајќи дека се уште „не е премногу доцна да се откажат од оваа авантура“.
- Одлуката за референдум и неговото одржување е прашање поврзано со турската национална безбедност. Турција е решителна и нема да се колеба да ги оскористи своите права кои произлегуваат од меѓунардоните и билатералните договори поврзани со нејзината национална безбедност, изјави Јилдирим пред седницата на турскиот Совет за национална безбедност, на која ќе бидат разгледани мерките за притисок што ќе ги преземе Анкара, доколку ирачките Курди не се откажат од реферндумот предвиден за 25 септември.
Според турскиот премиер, Турција никогаш нема да прифати промени на сегашните статуси на Сирија или Ирак.
Референдумот за независност на Ирачки Курдистан ќе биде тема на расправа и на утрешната вонредна седница на турскиот Парламент, кој ќе решава и за доделување мандат на Вооружените сили на Турција да интервенираат во Сирија и Ирак.
Ново на Сител
-
Тухел за натпреварите со Реал: Баерн ќе игра против најголемиот клуб во светот
-
Соработувале со Русите и планирале да ја саботираат армијата, Германија уапси две лица
-
Приведени крадци во Битола
-
Гвардиола: Главната работа во фудбалот е да постигнеш гол
-
Артета: Арсенал имаше многу периоди на доминација, но тоа не беше доволно да го поминеме Баерн
-
Анчелоти е прв кој три пати го исфрли Гвардиола од ЛШ
-
Приватна средба на полскиот премиер со Трамп
-
За брзо возење казни за 140 возачи на територија на цела држава