Балкан
15. April 2016 - 8:39

Јелена убиена во својата куќа? Нова страотна теорија за нејзината смрт

Белградската полиција и нејзините форензичари и инспектори не престануваат со дејствата со намера да пронајдат некоја нова трага за убиството на пејачката Јелена Марјановиќ. Вчера е испумпувана водата во каналот каде е пронајдена за да се открие нов доказ, а подоцна полицајците се упатија кон домот на Марјановиќ во Борча.

Инспекторите неколку часа ја претресуваат семејната куќа и дворот на Јелена и Зоран Марјановиќ и со себе однесоа дел од облеката, чевли но и неколку алатки.

Според неофицијалните сознанија почицијата работи на тоа да ја утврди можноста пејачката да е убиена во куќата.

-Од домот на Марјановиќ се изнесени работи и предмети кои ќе се вештачат, што подразбира и ДНК вештачење Во прашање се нивни лични работи, меѓу кои и една кожна јакна која се претпоставува дека е на Зоран. Го тргнавме и тепихот за евентуално да најдеме некоја нова трага, вели извор од истрагата и продолжува:

-Во куќата повторно дојдовме зошто во текот на досегашната истрага откривме дека би можеле да дојдеме до нови докази за побрзо пронаоѓање на сторителот. Ништо не препуштаме на случајот зошто не е исклучена можноста Јелена да е убиена на друго место, а не на насипот. Додека едни беа во куќата, други ја сликаа куќата, капијата, дворот. Претресуваа од темелот до покривот.

Инаку од каналот кој вчера беше исушен, однесени се неколку работи на вештачење, пишува српски Телеграф.