Јавна расправа за предлог-стратегијата за култура во Охрид
Јавна расправа за нацрт-стратегијата за културен развој на Република Македонија за 2018-2022 година ќе се одржи денеска во Охрид во рамки на расправите по прашањето што граѓанското здружение „Јадро“ и Министерството за култура го организираат во неколку градови во земјата.
Целта на дебатите што се реализираат со поддршка од Фондацијата „Отворено општество - Македонија“, граѓанскиот сектор и локалната самоуправа е децентрализација на расправата за стратегијата во културата за наредниот петгодишен период, со вклученост на сите чинители, од независната сцена и од институциите.
На дебатите учествуваат претставници од партнерската организација „Јадро“, локалната самоуправа и националните установи на културата, локалните партнери и граѓанскиот сектор, претставници на Работната група за стратегијата и на Советот за култура, како и независни уметници и културни работници.
Министерството за култура, дебатите низ градовите за нацрт-стратегијата, освен со „Јадро“, ги спроведува и со граѓанското здружение „Култ-Транзен“, поддржано со Проектот за граѓанско учество на УСАИД.
Интензивната јавна расправа со сите засегнати страни ќе се одвива до конечното усвојување на стратегијата предвидено за крајот од оваа година.
Ново на Сител
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање
-
Во Брисел почна трилатерален состанок на делагациите од Белград, ЕУ и од Приштина
-
Радовишанец во повеќе наврати извршил обљува врз малолетничка
-
Врховен го укина притворот на таткото на Вања, определи куќен притвор и мерка на претпазливост
-
Грчки медиуми: Голема победа на опозициската ВМРО-ДПМНЕ
-
Во Тетово прегазен малолетен пешак