Јапонија поднесе во СБ на ОН своја резолуција за истрага на хемиските напади во Сирија
Откако предлог-резолуциите на САД и Русија за продолжување на мандатот на Мисијата на Организацијата за забрана на хемиско оружје во Сирија не минаа во Советот за безбедност на ОН, Јапонија предложи трет текст на резолуцијата.
Во него се бара продолжување од 30 дена на Мисијата, чиј мандат завршува денеска. Со текстот се бара од генералниот секретар на ОН Антонио Гутереш во рок од 20 дена да поднесе предлог за структурата и методологијата на работа на таа Мисија.
Русија синоќа ја блокираше предлог-резолуцијата на САД за продолжување на Мисијата на Организацијата за забрана на хемиско оружје во Сирија, откако претходно ја повлече својата предлог резолуција.
Предвидено беше СБ да разгледува двете предлог резолуции - руска и американска, за продолжување на Мисијата во Сирија.
Постојаниот претставник на Русија во ОН, Василиј Небензја изјави дека ја повлекува руската предлог резолуција бидејќи не бил постигнат договор на седница на СБ на ОН да се гласа за неа по американскиот документ.
Во СБ се гласаше за предлог резолуцијата на САД. Документот доби поддршка од 11 држави, а „против“ се изјаснија Русија и Боливија, додека Кина и Египет беа „воздржани“.
Тоа е десетто руско вето за некоја предлог резолуција во СБ на ОН за Сирија.
Ново на Сител
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање