Јапонија: Не е време за дијалог, треба да се изврши притисок врз Пјонгјанг
Портпаролот на јапонската Влада, Норио Маријама изјави денеска дека сега не е моментот за дијалог, туку треба да се зголеми притисокот врз Северна Кореја.
Тој на средбата со претставници на ОН истакна дека „дијалог без дијалог е безначаен“.
Според него, Јапонија го разгледува воведувањето на нови санкции против Пјонгјанг, вклучувајќи ги и оние кои се однесуваат на увозот на нафта.
- Треба да видиме кои санкции се најуспешни, изјави Маријама.
Портпаролот ги повика сите земји членки на ОН да ги усвојат санкциите, а Кина и Русија да го употребат своето влијание и да одиграат „поконструктивна улога“ со Северна Кореја.
ЕУ, исто така, соопшти денеска дека разгледува можност за воведување на поостри санкции врз Северна Кореја поради тестирањето балистички ракети, со цел да се спречи таа земја да продолжи со финансирање на развојот на нуклеарно оружје.
- Северна Кореја е држава против која ние имаме најрестриктивни мерки и одлучивме да го разгледаме воведувањето на посилни мерки преку целосна соработка со нашите меѓународни партнери, истакна шефицата на европската дипломатија Федерика Могерини.
Министрите за надворешни работи на земјите членки на ЕУ ја изразија потребата од дипломатско, а не воено решение за решавање на проблемот, оставајќи ја отворена вратата за дијалог.
Ново на Сител
-
Предизборно финале - партиите ги финализираат листите
-
Teма на денот со Владо Мисајловски, потпретседател на ВМРО-ДПМНЕ
-
Тројца приведени за убиството на матичниот доктор кај поликлиниката Железара – мотивот се уште непознат
-
Предизборно финале - партиите ги финализираат листите
-
Тројца приведени за убиството на матичниот доктор кај поликлиниката Железара – мотивот се уште непознат
-
Трет ден потрага по Данка, родителите повторно во станица
-
Предизборно финале – партиите ги финализираат листите
-
Стариот парламент ќе инаугурира нов шеф на државата - конститутивна седница за новите пратеници на 28 мај