Македонија
22. September 2016 - 21:46

Јанева од здравствени причини порано ја напушти седницата на Комисијата за политички систем

Специјалната јавна обвинителка Катица Јанева поради, како што информира, влошена здравствена состојба денеска порано ја напушти седницата на Комисијата за политички систем за работата на Специјалното јавно обвинителство.

- Навистина ми е жал што поради мојата здравствена состојба морав да ја напуштам седницата на Комисијата за политички систем и односи меѓу заедниците и се извинувам на сите пратеници  што денес не сум во можност повеќе да присуствувам на седницата, вели Јанева во пишаната изјава до медиумите.

Во меѓувреме, како што информираат од СЈО, побарана е лекарска помош и здравствената состојба на обвинителката е под лекарски надзор и контрола.

Седницата на Комисијата за политички систем беше предвидено да трае до 22:00 часот и треба да продолжи утре во 13:00 часот.