Македонија
16. September 2017 - 15:58

Јакимовска: Анѓушев да поднесе оставка

Кочо Анѓушев на најгруб можен начин ја злоупотреби функцијата вице-премиер на Владата на СДС и се обиде да приграби преку својата фирма ФЕРОИНВЕСТ тендер од АД ЕЛЕМ во вредност 2.6 милиони евра.

Ова е типичен пример за судир на интереси. Кочо Анѓушев на најподмолен начин ја злоупотребува државната функција, а со тоа и парите на граѓните.

Почитувани,

Ова е нешто невидено во ниту една друга држава. Затоа, го повикуваме Кочо Анѓушев, уште веднаш да си поднесе неотповиклива оставка и уште уште еднаш да ги тргне своите раце од парите на граѓаните. Оставката е најмалку што може да направи Кочо Анѓушев во овој момент. Тој со оваа постапка каде што си додели сам на себе тендер, уште еднаш потврди дека не е на функцијата за да работи за граѓаните, туку за личните интереси.

Кочо Анѓушев како вице премиер, наместо да работи на инвестиции за граѓаните, за жал тој инвестира народни пари во својот личен џеб.
Граѓаните бараат одговорност! Граѓаните бараат оставка од Кочо Анѓушев.

Предупредуваме Владата да не помисли да го поништи тендерот и да распише оглас за нов после изборите за да може Кочо Анѓушев да ги лапне парите кога полуитичката штета би била помала. Доколку „Фероинвест“ односно Кочо Анѓушев, транспарентно го добила тендерот, ќе се откаже од истиот, со што ќе се отвори врата за повторување на тендерската постапка и ќе се отфрли сомнежот за влијание врз постапката.

Воедно, го повикуваме Јавното обвинителство веднаш да отпочне постапка за утврдување на одговорност и транспарентност на постпаката, каде сметаме дека имало влијание од страна на Кочо Анѓушев.

На овој бандитизам мора да му се стави крај уште веднаш. Користењето на државните средства и парите на граѓаните за лично богатење е одлика и начин на работа на СДС.

Граѓаните го гледаат бандитизмот и расипништвото на СДС со нивните пари, и истото ќе го казнат на претстојните локални избори на 15-ти октомври.