Израел нападна цели на Хамас во Појасот Газа

Израелската авијација утрово нападна неколку објекти на палестинското исламистичко движење Хамас во Појасот Газа. 

Нападот уследи неколку часа откако ракети беа истрелани врз јужен Израел.

Според палестински извори израелските напади беа насочени кон четири објекти од Бејт Ханун на север до Рафах на југ и предизвикале само материјални штети.

Израелската армија соопшти дека авијацијата нападнала два кампа за воена обука и уште две воени бази на Хамас.

Синоќа две ракети беа истрелни од Појасот Газа врз јужен Израел. Во нападот нема повредени лица, а не е предизвикана и материјална штета.