Македонија
4. December 2016 - 11:29

Изложба „Низ огледалото“ на Санјонг Ли во Гевгелија

Самостојна изложба на јужнокорејската уметничка Санјонг Ли насловена „Низ огледалото“ синоќа беше отворена во уметничката галерија „Амам“ во Гевгелија.

Изложбата ќе биде отворена до 13 декември.

Авторката е родена 1975 година во Ченгџу, каде живее и работи. Дипломира пред 15 години на националниот универзитет во Чунбук, на одделот за ликовна уметност, а во 2009 година завршила постдипломски студии на истиот универзитет. Како најдобар студент била наградена во класата на факултетот за продукт и дизајн.

Во 2007 година Ли станала член на Друштвото на ликовни уметници на Јужна Кореја и на градот Ченгџу. Се смета за еден од основачите на групата Егзит, формирана во 2012 година. Таа моментно предава на Националниот универзитет во Чинбук,на факултетот за фигуративна уметност.

Санјонг Ли досега има повеќе самостојни и групни изложби во Јужна Кореја, Јапонија, Кина, САД и во Македонија.