Изложба на Санјонг Ли во Гевгелија
Во уметничката галерија „АМАМ“ на Музејот - Гевгелија вечер ќе биде отворена самостојната изложба „Низ огледалото“ на Санјонг Ли од Јужна Кореја.
Изложбата ќе трае до 13 декември 2016, а претставени ќе бидат дела во повеќе медиуми ‒ инсталации, објекти, слики и фотографии.
„Низ огледалото“ во август годинава беше поставена и пред скопската публика. Ја организира Маја Кировска, ликовен уметник од Скопје, која соработува со Ли од 2014 година.
Како што вели Кировска, изложбата е дел од поголем проект на размена меѓу македонски и корејски уметници и е четврта по ред од серијата досега реализирани претставувања по што следува претставувањето на корејската група Егзит од Јужна Кореја во Домот на култура „Иван Мазов-Климе“ во Кавадарци, во февруари, и претставувањето на македонски автори со свои изложби во Јужна Кореја во август наредната година.
Ли се претстави првпат пред македонските љубители на уметноста лани, на Саемот за современа уметност Паратисима – Скопје, со едно дело. Родена е во 1975 година во Ченгџу, Јужна Кореја, каде живее и работи. Во 2001 година дипломира на Националниот универзитет во Чунбук, на одделот за ликовна уметност, а во 2009 година завршува постдипломски студии на одделот за ликовна уметност на истиот универзитет. Наградена е како најдобар студент во класата на Факултетот за продукт дизајн. Во 2007 година станува член на Друштвото на ликовни уметници на Кореја и Друштвото на ликовни уметници на Ченгџу. Ли е еден од основачите на групата Егзит, формирана во 2012 година. Предава на Националниот универзитет во Чунбук на Факултетот за фигуративна уметност. Изложува на повеќе самостојни и групни изложби во Кореја, Јапонија, Кина, САД, Македонија,...
Ново на Сител
-
ЈСП Скопје: Можни се технички проблеми при валидирање со телефон или апликацијата „Скопска“
-
Ангелов: Би работел за СДСМ но за плата од 5000 евра
-
МЗШВ: Лозарите добиваат гарантирана откупна цена на винското грозје
-
Македонија и 11 членки на НАТО ја зајакнуваат соработката за обука на воени пилоти
-
ССМ на 2 април на протест поради одлуката на Врховниот суд, ќе протестира и на 1 мај
-
Полицајци спроведуваат политичка кампања, училиште претворено во штаб на ДУИ
-
Приведено уште едно лице за убиството на докторот во Железара
-
Вработените во здравството најавуваат протест на 8 април