Избрани најдобрите цртежи од ликовниот конкурс „Ја сакам Европа“
Во трговскиот центар „Капитол мол“ денеска се одржа ликовен хепенинг на кој деца од градинките и ученици од основните училишта од општина Аеродром цртаа на тема „Ја сакам Европа“.
Настанот го организираа Општина Аеродром, Европското движење во Република Македонија и Делегацијата на ЕУ во Скопје по повод 9 Мај - Денот на Европа.
На крајот беа избрани најдобрите цртежи, а наградите на малите творци им ги доделија евроамбасадорот Самуел Жбогар, градоначалникот на Аеродром Ивица Коневски и претседателката на Европското движење во Република Македонија, Милева Ѓуровска.
За најдобра ликовна творба во категоријата од предучилишна возраст е избран цртежот на Ива Минова од градинката „Срничка“ објект „Црвенкапа“. Во категоријата од одделенска настава за најдобар е избран цртежот на Филип Костадиноски, петтоодделенец во ООУ „Димитар Македонски“, а осмоодделенката Моника Стојковска од ООУ „Браќа Миладиновци“ е избрана за најдобра во категоријата од предметна настава.
Општина Аеродром информира дека целта на манифестацијата и на конкурсот е да се развие детската уметничка креативност и инвентивност, но и на најмладите од општината да им станат блиски европските вредности. Цртежите од ликовниот конкурс, како и наградените творби, ќе бидат изложени во „Капитол мол“ до 9 мај.
Ново на Сител
-
ДИК: Oбработени 96,37% од гласовите, Силјановска Давковa 351.826 - Пендаровски 174.658
-
ДИК: Oд обработени 90,18% oд гласовите Силјановска Давкова 325.150, Пендаровски 162.062
-
Ковачевски: Знам дека многу наши поддржувачи се разочарани, но сега не е време за откажување
-
ДИК: Oд обработени 87,17% oд гласовите Силјановска Давкова 315.638, Пендаровски 156.406
-
Мицкоски: Победуваме со над 170.000 гласа разлика
-
Пендаровски: Резултатите не се такви какви што ги очекувавме
-
Пендаровски: Резултатите не се такви какви што ги очекувавме
-
Димитриевски: Испишуваме историја, се роди 3-тата политичка сила во македонскиот политички блок