Иванка Трамп ќе го придружува американскиот претседател на неговата прва турнеја во странство
Иванка Трамп ќе патува со американскиот претседател Доналд Трамп при неговата посета на Саудиска Арабија, Израел и Италија, соопшти висок претставник на Белата куќа, цитиран од американските медиуми.
Иванка, како висок советник на претседателот, ќе го придружува нејзиниот татко во шест од неговата деветдневна турнеја, што почнува денеска.
-Таа ќе учествува во некои настани заедно со татко и, но ќе има и свои, изјавија од Белата куќа.
Во Саудиска Арабија, Иванка Трамп ќе учествува на тркалезната маса со саудиските жени, на која ќе биде разгледано учеството на жените во економскиот живот. Иванка сака да се запознае со предизвиците со кои се судруваат жените во оваа земја и со напредокот што го постигнуваат, рече изворот од Белата куќа.
Во Израел, Иванка, која го прифати јудаизмот со мажењето за Џаред Кушнер, заедно со претседателот ќе го посетат Ѕидот на плачот, а во Рим ќе се вклучи во дискусијата за шверцот со луѓе и ќе биде на аудиенцијата кај папата.
Ова ќе биде првата турнеја во странство за Доналд Трамп како претседател, но Иванка Трамп во април веќе имаше кратко патување до Германија, каде учествуваше на конференција посветена на помагањето на жените во бизнисот.
Ново на Сител
-
Пристигнаа првите резултати од изборите во Хрватска: ХДЗ освои 58 мандати, СДП и партнерите 44
-
Уапсен 33-годишен скопјанец, истепал полицајци во полициска станица
-
Истепан вработен на ЕВН во Глумово
-
Џафери славеше роденден, семејството го изненади со торта во Владата | ВИДЕО
-
Скопјанец ја истепал поранешната девојка и ѝ го украл накитот
-
24 годишник со „ренџ ровер“ се обидел да прегази полицајци
-
Полицајци одзеле канти со поликолор на момчиња кои пишувале графит
-
Избоден затвореник во прилепскиот затвор