Иванка Трамп ќе биде неплатен неформален советник на претседателот

Иванка Трамп, ќерката на американскиот претседател на САД Доналд Трамп, потврди дека ќе работи во Белата куќа во улога на неплатен, неформален советник на претседателот.

- Слушнав дека некои лица се загрижени поради тоа што лично ќе го советувам претседателот. Јас ќе бидам вработена во канцеларија во Белата куќа како неплатен службеник и ќе ги почитувам сите етички правила и други прописи, како и сите други федерални службеници, наведе таа преку соопштение.

Прашањата за можен конфликт на интереси се поставија откако на 20 март беше најавено дека Иванка Трамп (35) ќе стане неформален советник на својот татко и дека ќе има канцеларија во Западното крило на Белата куќа.