Свет
13. September 2017 - 10:35

Итна седница на Совет за безбедност на ОН за случувањата во Мјанмар

Советот за безбедност на Обединетите Нации денеска ќе одржи итна седница на кој ќе се разговара за насилството во Мјанмар, откако шефот на ОН за човекови права Зеид Рад ал Хусеин предупреди дека најверојатно под притисок на „етничкото чистење“ повеќе од 300.000 припадници на муслиманскиот народ Рохинци ја напуштиле земјата.

Седницата на Советот за безбедност на ОН се одржува на барање на Велика Британија и Шведска.

Во меѓувреме, Високиот комесаријат на ОН за бегалци (УНХЦР) вчера соопшти дека бројот на лица кои побегнале во Бангладеш од насилставата во западната мјанмарска држава Рахине пораснал на 313.000.

Меѓународниот притисок врз Владата на Мјанмар е зголемен од неделата, кога Ал Хусеин рече дека тоа насилство изгледа како „школски пример на етничко чистење“.

- Бидејќи Мјанмар одби пристап на набљудувачите на човекови права, моментната ситуација се уште не може во целост да се процени, но изгледа дека таа на школски пример на етничко чистење, рече Ал Хусеин пред Советот за човекови права на ОН.

Наспроти кризата во Мјанмар, Аунг Сан Су Чи, поранешна мјанмарска опозиционерка и добитничка на нобеловата награда за мир, нема да присуствува на Генералното собрание на ОН.

Су Чи, кој де факто е лидерка на Мјанмар, го откажа присуството на Седницата на Советот за безбедноста на ОН за кризата во Мјанмар.

Нејзиниот портпарол изјави дека таа нема да присуствува на седницата.

- Државната советничка нема да присуствува на Генералното собрание на ОН, рече портпаролот Зав Хтај, само неколку часа пред состанокот на Советот за безбедност на ОН.

Од Мјанмар, земја со мнозинско будистичко население, Рохинџите почнаа маосвно да бегаат од 25 август, откако локалните муслимански бунтовници нападнаа полициска станица и неколку воени пунктови, што предизвика обема воена операција на мјанмарските сили за безбедност.