Свет
29. May 2016 - 9:22

Италијански, ирски и германски бродови во Средоземно Море спасија 650 мигранти

Флотила бродови на европските земји вчера спаси 668 мигранти од небезбедните чамци на шверцерите во Средоземно Море, крај брегот на Либија, изјавија италијанските власти, цитирани од американските медиуми.

Мигрантите биле спасени од италијанската крајбрежна стража и бродови на военопоморските сили, кои биле помогнати од ирски и германски бродови и хуманитарни организации.

Ирската армија соопшти дека нејзин брод спасил 123 мигранти од 12-метарски чамец и дека било откриено тело на еден маж.

Германски брод, што патролирал и пресретнувал чамци на шверцерите, учествувал во четири спасувачки операции, изјави италијанската крајбрежна стража.