Италија: Спасувачи пребаруваат под урнатини по денешниот земјотрес
Спасувачки служби интензивно пребаруваат под урнатини од згради по новиот силен земјотрес што ја погоди централна Италија, во обид да спасат повредени и да утврдат дали има загинати.
Директорот на италијанската Служба за цивилна заштита во регионот на Марка, Чезаре Спури изјави дека има информации оти во многу градови на подрачјето погодено утрово од земјотресот има урнати згради.
Централниот дел од Италија утрово го погоди земјотрес со интензитет од 6,1 степен по Рихтеровата скала.
„Земјотрес со интензитет од 6,1 по Рихтеровата скала ја погоди Италија во 7:41 минута по локално време“, соопшти Националниот институт за геофизика и вулканологија.
Епицентарот бил меѓу Норча (колу 5 илјади жители) и Пречи (752 жители) во провинцијата Перуџа во областа Умбрија.
Телевизијата РАИ објави дека потресот бил толку силен што бил почувствуван во Рим. Земјотресот бил почувствуван и во Хрватска, Словенија и БиХ.
Во средата земјотрес со интензитет од 5,4 степени го потресе истото подрачје кај Перуџа и беше почувствуван и во Рим.
Пред два месеца земјотрес на истото подрачје срамни со земја неколку помали градови при што загинаа речиси 300 луѓе.
Ново на Сител
-
Во БиХ уапсени три лица кои барале пари за информација за исчезнатото девојче во Србија
-
Продолжуваат предизборните коалицирања
-
Марш на трансродовите лица
-
Во Собранието седница на Комисијата за одбрана и безбедност
-
Најмалку 38 лица загинаа во израелските напади врз сирискиот град Алепо
-
Над 20 луѓе повредени во сообраќајна несреќа во Германија
-
Мериленд доби помош од 60 милиони долари по уривањето на мостот во Балтимор
-
Сончево и топло со мала локална облачност