Иран ја отфрли реакцијата на Трамп на нападите како „одвратна“
Иранскиот министер за надворешни работи Мохамед Џавад Зариф ја отфрли денеска како „одвратна“ реакцијата на американскиот претседател Доналд Трамп на нападите на Исламска држава во Техеран, во која тој изрази сочувство за жртвите, но оцени дека таа земја „сега го жнее, она што го посеала“.
Трамп порача дека САД жалат и се молат за жртвите на нападите извршени вчера, за кои одговорноста ја презеде ИД, но истовремено нагласи дека „државите, кои го спонзорираат тероризмот ризикуваат да станат жртви на злото, кое го промовираат“.
- Одвартно соопштение на Белата куќа...Иранскиот народ ги отфрла таквите американски пораки на пријателство, напиша Зариф на Твитер.
Зариф додаде дека „Иранците се борат против тероризмот, кој го поддржуваат американските штитеници“.
Коментарот на Трамп предизвика критики и голем број Иранци на социјалните мрежи потсетија дека иранската Влада му пружила на Вашингтон поддршка и организирано бдеење со свеќи во Иран по нападот на САД на 11 септември 2001 година.
Тринаесет лица се убиени, над 40 се ранети во вчерашните напади врз Парламентот и мавзолејот на ајатолахот Рухола Хомеини. Ова е прв напад на ИД во Иран.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка