Ирачките ВВС изведоа воздушни напади на позиции на „Исламска држава" во Сирија

Ирачкиот премиер Хајдер ал Абади соопшти дека издал наредба на ирачките Воено-воздухопловни сили (ВВС) да нанесат удари на позициите на џихадистите од „Исламска држава" на територијата на Сирија, како одговор на неодамнешните бомбашки напади во Багдад.

„Ние сме решени да ги неутрализираме терористите кои се обидуваат да убијат наши синови и граѓани, каде и да ги пронајдеме. Затоа наредивме на Командата на воздухопловните сили да нанесе удари по позиции на џихадисти во Хосајба и Ал Букамал на сириска територија, бидејќи тие се одговорни за последните бомбашки напади во Багдад ", се наведува во соопштението на Абаид.

Според премиерот, одмаздничкиот удар против терористите е нанесен со „импресивен успех“.