Бизнис
16. January 2016 - 16:34

Инвестициите кои влегоа оваа недела ќе отворат 1.500 нови работни места

Инвестиции вредни над 50 милиони евра , кои ќе отворат речиси 1,500 работни места беа најавени неделава. Секој ден се објавуваше по една – велешка  порцеланка е во рацете на  индиски инвеститор, германките Акомпласт и  Електро Мехатроникс Систем ќе инвестираат во Прилеп и Бунарџик и меѓународната корпорација  ИКС трејд отвори свое претставништво  во Скопје.

Индиската групацијата БРГ  ќе вложи 31 милион евра и ќе вработи  1,000 лица.  Ќе произведува кујнски прибор и други производи од челик

Фабрика за лед светилки и соларни панели ќе произведува   Електро Мехатроникс Систем во зоната во Буранџик . Инвестицијата е вредна 15 милиони евра и се очекува вработување на  200 лица. Компанијата,  планира во Македонија да го пресели производството лоцирано во југоисточна Кина..

Своја фабрика за пластични делови за автомобили почна да гради и германски  Акомпласт во економската зона во Прилеп.

 Ќе инвестираат 3 милиони евра и ќе креираат 150 директни вработувања од техничките струки.Своја канцелараија вчера отвори и ИКС трејд, која планира вработуување на 100 лица.

Преговорите со најавените компании траеле по најмалку една година. Сите се одлучиле да вложат поради добрата бизнис клима  и напорната работа на државата да се донесат што е мошно повеќе инвестиции.