Македонија
13. November 2017 - 9:21

Институтот за македонски јазик ги почнува Отворените денови со промоција на нови изданија

Институтот за македонски јазик „Крсте Мисирков“ со промоција на три нови изданија денеска ќе ги почне Отворените денови кои ќе завршат во петок.

Централен настан ќе биде дводневната меѓународна  научна конференција „Минатото на јазичниот свет - денес и утре“ на 15-ти и 16 ноември.

Изданијата што ќе ги промовира денеска се излезени оваа година: Речник на црковнословенски јазик од македонска редакција II, свеска 12; Записи од мојот крај (Долна Преспа, Република Албанија) од Крисанта Јанкула, и Народни песни од Малеш од Станко Костиќ (Костовски) со историско-дијалектолошка анализа од Илија Бетински Малеш.

Промоцијата ќе биде во просториите на Институтот за македонски јазик со почеток во 11 часот.