Илир Мета денеска стапува на функцијата претседател на Албанија
Во Тирана попладнево ќе се изврши инаугурацијата на новиот албански претседател, Илир Мета.
Заклетвата, пред Уставот на Албанија и пред претседателот на Уставниот суд на земјата, Мета ќе ја даде на пленарна седница на Парламентот, закажана за 18 часот.
Потоа, во 19 часот, во резиденцијата на Претседателот ќе биде организирана посебна свеченост, на која се поканети голем број гости. Пред да се обрати до нацијата, Мета прво ќе има одвоена средба со неговиот претходник Бујар Нишани, на која и официјално ќе се изврши примопредавањето на должноста.
За време на церемонијата Мета ќе го придружува неговата деветнаесетгодишна ќерка Бора Мета, а не сопругата Моника Круемади, која е лидер на партијата Движење за социјалстичка интеграција.
За претседател на Албанија Илир Мета беше избран во Парламентот, на 28 април, а за него гласаа 86 пратеници.
Мета (48) е седмиот претседател на Албанија по падот на тоталитаризмот во земјата, кога за претседател беше избран Рамиз Алија,(кој беше и последен комунистички претседател), Него го замени Сали Бериша, по кого беше избран Реџеп Мејдани, па Алфред Мојсиу, Бамир Топи и Бујар Нишани.
Ново на Сител
-
Скопјанец наплаќал паркинг на државно земјиште
-
Кривична пријава за тројца полициски службеници за „несовесно работење во службата”
-
Вратен и третиот мандат за формирање влада, следат нови избори во Бугарија
-
Ѓурчески: Се сомневам дека Данка е киднапирана, детално чешлање на сите криминалци во тој регион
-
Расчистена кражба во Гостивар
-
Сончево и топло до крајот на неделава со температури до 27 степени
-
Општините ќе одлучуваат дали ќе ги легализираат или рушат дивоградбите
-
Американската централна банка потврди рекордна загуба