ИКТ во фокусот на годинашниот Меѓународен ден на царината
По повод 26 јануари, Меѓународниот ден на царината кој годинава се одбележува под мотото „Дигитална Царина: Прогресивен ангажман“, десет царински службеници добија пофалници од генералниот секретар на Светската царинска организација (СЦО) Кунио Микурија.
Како што соопшти Царинската управа, пофалниците се за исклучителниот ангажман на цариниците на полето на имплементацијатана ИТ системи чија употреба е смерница кон прогресивен напредок и поголема ефективност и ефикасност во работењето, кон олеснување на трговијата, транспортот и размената на информации, а им ги додели директорката Наташа Радеска Крстевска.
Драган Јолевски, помошник директор на Сектор за информатичко комуникациска технологија, Ѓорги Наумовски, помошник директор на Сектор за акцизи, Дејан Рајчановски, началник на Оддление за меѓународна соработка, проекти и европска интеграција, Јане Саздов, началник на Одделение за апликациска подршка, Зорица Ашиковска , началник на Одделение за техничка подршка, Зоран Блажевски, началник на Одделение за развој, Бобан Станковски, началник на одделение дежурен центар, Јовица Кипријановски, шеф на Служба за гранични и транзитни формалности, Ана Аризановиќ, шеф на Служба за ИТ сигурност, и Бране Петрушевски, самостоен советник администратор на апликации, се добитниците на пофалниците.
За посебна соработка на полето на имплементацијата на ИТ системите, континуирана соработка и електронско прибирање, размена и заштита на податоци поврзани со царинското работење, Царинската управа одлучи да им додели пофалници од генералниот секретар на СЦО и на десет институции кои официјално ќе бидат доделени на 14 Април, Денот на Царинската управа.
Во пораката по повод годинашниот Меѓународен ден на царината, Светската царинска организација ги охрабрува царинските служби да ја покажат и промовираат примената на информатичко-комуникациската технологија (ИКТ) за наплата и заштита на наплатата на царинските давачки, контрола на протокот на стока, луѓе, превозни средства и пари, како и за заштита на меѓународната трговија од криминални активности, вклучително и меѓународниот тероризам кој, како што се наведува, останува горлив проблем ширум светот.
Ново на Сител
-
Директорот на ЦИА предупредува дека Украина би можела да ја изгуби војната до крајот на годинава ако Конгресот не ја одобри помошта за неа
-
Кривична пријава за директор на ЈП „Стрежево" Битола за злоупотреба на службена положба и злоупотреба на постапка за јавен повик
-
Притвор за еден од осомничените за кражбата на сефот од маркет во Црниче
-
ЦУК: Изминатото деноноќие 1 709 повици на 112, нема пожари на отворено
-
Израел изведе напади на југот на Сирија
-
МОН ги известило училиштата неработните денови да бидат одработени во саботи
-
Точно 353 балерини го соборија рекордот во „бурè“ танц на прсти
-
„Гугл мапс“ ќе може да го посочува најблискиот полнач за електромобили