Свет
31. December 2015 - 17:30

ИД презеде одговорност за нападите во Камишли

Џихадистичката група Исламска држава презеде одговорност за двојниот самоубиствен напад во североисточниот сириски град Камишли, во близина на границата со Турција.

ИД тврди дека нејзини припадници нападнале христијански борци и оти загинале приближно 30, а повредени се 100 луѓе.

Сирискиот Центар за мониторинг на човековите права објави дека во нападот загинале најмалку 16 луѓе, а повредени се 30. Цел на нападите биле два ресторана во реон на Камишли, претежно населен со христијани.

ИД често извршува напади во Камишли, во сириската провинција Хасака. Курдските милиции се првата линија во борбата протув ИД во Сирија и во соседен Ирак.