Македонија
26. March 2016 - 10:31

Хуманитарен фолклорен концерт во Kрива Паланка

Во организација на младите волонтери од Црвениот крст кои го имплементираат проектот Црвен крст во акција – промоција на хумани вредности, синоќа во Националната установа Центар за култура  Крива Паланка фолклорните здруженија од градот учествуваа на хуманитарен концерт.
 
Учесници беа културно уметничките друштва „Осми октомври“, „Карпош“ и „Фолклористи“, а со три музички точки се претставија и лицата со оштетен вид од Крива Паланка.
 
- Нашите сограѓани уште еднаш потврдија дека хуманоста е нивна силна страна, се одѕваа во голем број на нашиoт настан, влезниците беа распродадени, а бидејќи цената беше симболична собрани се околу 15.000 денари. Средствата ќе ги намениме за едно четиричлено семејство во социјален ризик од село Конопница, изјави Вера Петкова, лидер на тимот ЦКА-ПХВ.
 
Тимови од ОО на Црвен крст Крива Паланка продолжуваат со хуманата мисија за помош на сограѓаните со штанд за продажба на палачинки кој денеска ќе биде поставен на зелениот градски пазар.