Хорор во Радишани: Тројца насилници му ја нападале куќата и го претепале

Вчера околу 22.30 часот во куќата сопственост на Д.С. (37) на ул. „Радишани“ во Скопје, со возило „Опел Вектра“ дошле три лица, од кои едно е Д.Т. од Петровец.

Тие со дрвени стапови ја оштетиле вратата и прозорците, по што влегле внатре и физички го нападнале Д.С. и му нанеле повреди по телото.

После тоа напаѓачите побегнале од местото, а Д.С. со екипа на Итна медицинска помош бил пренесен во Градската општа болница „Св.Наум Охридски“, каде му била укажана лекарска помош.

Д.Т. бил приведен во Полициската станица Кисела Вода. Се преземаат мерки за целосно расчистување на случајот.