Хашки суд: Ратко Младиќ бил клучна фигура во злосторствата во БиХ
Обвинителството на Хашкиот трибунал денеска, во својот завршен збор во судскиот процес против Ратко Младиќ, оцени дека тој бил клучно лице одговорно за масакрот на муслиманите во Сребреница и за злосторствата извршени со цел насилно создавање на српска држава во големи делови на БиХ.
Младиќ, кој денес има 74 години, е обвинет за геноцид, протерување, убиства и злосторства против човештвото. Обвинителството денеска започна со читање на завршниот збор, изложувајќи аргументи во судскиот процес против поранешниот командант на војската на босанските Срби за време на војната во БиХ во 90-те години на минатиот век.
Обвинителот Ален Тиегер се осврна на историските настани, кои и претходеа на војната, како и на сите точки од обвинението. Тој истакна дека Младиќ учествувал во планот, кој имал за цел радикална промена на демографската карта на делови од Босна, кон кои имале претензии босанските Срби.
Тиегер нагласи дека Младиќ имал апсолутна власт во армијата на босанските Срби, не одговарал пред никого и поради тоа е одговорен за се што се случило со несрпското население.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација