Свет
18. November 2017 - 11:01

Харири пристигна во Париз

Либанскиот премиер Саад Харири, кој пред две недели поднесе оставка од функцијата за време на посетата на Саудиска Арабија, утрово допатува во Париз. 

Тој во неговиот дом во Париз пристигнал заедно со неговата сопруга Ларе ал-Азм. 

Кабинетот на францускиот претседател Емануел Макрон соопшти дека, се очекува Харири денеска попладне да ја посети Елисејската палата. 

Либанскиот премиер на 4 ноември објави дека поднесува оставка, со што го доведе Либан до сериозна политичка криза. 

Либанскиот претседател Мишел Аун одби да ја прифати неговата оставка, обвинувајќи ги Саудијците дека го држат во притвор против негова волја. 

Меѓутоа, Харири синоќа наведе дека не бил притворен во Ријад.