Хан оствари средба со Дачиќ
Европскиот комесар за соседска политика и проширување Јоханес Хан, по пристигнувањето во Белград, оствари средба со вршителот на должност премиер и министер за надворешни работи Ивица Дачиќ.
Шефот на српската дипломатија нагласи дека целта на Србија и Западниот Балкан е присоединување кон Европската унија, и дека таа цел може да се оствари единствено со големи чекори, а не со поткопувачки изјави кои го враќаат регионот во минатото.
Тој ја истакна важноста на отворањето на поглавјата со цел продолжување на динамиката и континуитетот во процесот за напредување кон патот на европските интеграции, соопшти српското Министерство за надворешни работи.
Дачиќ наведе дека еден од надворешно-политичките приоритети на Србија е регионалната стабилност и наведе дека земјата ќе вложи максимални напори со својата конструктивна улога да даде значителен поттик Балканот да биде зона на регионална стабилност и мир.
Хан и Дачиќ констатирале дека Србија е на добар пат, како и дека е неопходно да се надомести она што е изгубено во минатото.
Дачиќ потенцираше дека Србија ќе направи се што е можно со цел да се продолжи дијалогот со Приштина, но и оти очекува да се исполни она што е најважно за Белград, а тоа е формирањето на Заедница на српски општини.
Хан изјави дека овој месец очекува да бидат отворени уште две поглавја во преговорите за членството на Србија во ЕУ, нагласувајќи дека тој процес ќе биде продолжен во втората половина на годинава.
Европскиот комесар за соседска политика и проширување истакна дека неговата посета на Србија е со цел на граѓаните да им ги покаже конкретните резултатит на евроинтеграцискиот процес.
Хан наведе дека напредокот во дијалогот меѓу Белград и Приштина е предуслов за перспективата за влез во Униката и изрази очекување дека Приштина ќе ја потврди посветеноста на тој процес бидејќи дијалогот нема друга алтернатива.
Дачиќ и Хан заклучија дека дијалогот мора да води кон конкретни резултати, и покрај тешкото минато, бидејќи за двете страни е важно да имаат успешен и конструктивен дијалог, стои во соопштението.
Хан, исто така, ќе одржи состанокот и со српскиот претседател Александар Вучиќ.
Ново на Сител
-
Советот НАТО-Украина ќе одржи вонреден состанок за противвоздушната одбрана на Киев
-
Спречен нов атентат врз Зеленски, уапсен Полјак кој соработувал со Русите
-
Бојмацалиев: Една година ФРОНТЕКС - прв договор потпишан на македонски јазик со ЕУ
-
Избрани 12 поротници за судењето против Трамп
-
Директорот на ЦИА предупредува дека Украина би можела да ја изгуби војната до крајот на годинава ако Конгресот не ја одобри помошта за неа
-
Кривична пријава за директор на ЈП „Стрежево" Битола за злоупотреба на службена положба и злоупотреба на постапка за јавен повик
-
Притвор за еден од осомничените за кражбата на сефот од маркет во Црниче
-
ЦУК: Изминатото деноноќие 1 709 повици на 112, нема пожари на отворено