-->
-->
Гвардиола: Далеку сме од титулата?!
-->
Менаџерот на Манчестер Сити, Пеп Гвардиола, признава дека нeговиот тим по дебаклот од Евертон е далеку од освојување на шампионската титула. Шпанецот рекол дека Челзи е блиску до шампионска промоција.
Манчестер Сити во недела го доживеа најубедливиот пораз на „Гудисон Парк“ во последните девет години, Евертон победи 4:0, а Гвардиола не крие дека никогаш во кариерата не се наоѓал во вака тешка ситуација.
„Челзи има голема предност, десет бодови се многу. Второпласираниот ни бега за три бода и тоа е достижна разлика. Создаваме шанси, но имаме проблeм со реализацијата“, рекол Гвардиола за Sky Sport.
Шпанецот истакнал дека никогаш во претходните тимови немал проблеми во одбраната, а сега се соочува со деликатни проблеми бидејќи Сити на 21 натпревар во Премиерлигата прими 26 голови.
„Слични проблеми сум имал, но не толку деликатни. Кога во осум години ќе освоите седум трофеи се навикнувате да победувате. Морам да го најдам вистинското решение, моите играчи повтoрно да почнат да победуваат. Среќен сум во Сити, но прв пат во кариерата примам многу голови“, дополнил Гвардиола.
Манчестер Сити е петтопласиран во Премиерлигата, а во наредното коло во дербито ќе го пречека второпласираниот Тотенхем.
-->
-->
-->
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово