Свет
28. March 2017 - 14:27

Гутереш: Арапски земји обединете се и помогнете и на Сирија

Генералниот секретар на Обединетите нации, Антонио Гутереш денеска ги повика арапските земји да ги остават на страна меѓусебните несогласувања и да помогнат во ставањето крај на шестгодишната граѓанска војна во Сирија. 

Првиот човек на Светската организација тој апел го упати за време на посетата на кампот за сириски бегалци во Затарија во Јордан, еден ден во пресртет на клучниот годишен арапски самит, кој оваа година ќе се одржи во оваа земја.

- Поделбите меѓу арапските земји им дадоа поттик на терористичките групи овозможувајќи им на други да интервенираат или да манипулираат со ситуацијата, создавајќи нестабилност, потхранувајќи ги судирите и олеснувајќи го дејствувањето на терористичките организации, нагласи Гутереш. 

Тој изјави дека сега повеќе врати се затворени за раселените и непомагајќи им на бегалците, светот несакајќи ги потикнува терористичките групи и ги зголемува глобалните безбедносни ризици.