Бизнис
13. January 2016 - 14:45

Груевски: Се реализира најавената инвестиција на GES, 200 вработувања

Како и што најавив на 24-ти декември минатата година во медиумите, денеска се остварува ветувањето, се реализира инвестиција на компанијата German Electro-Mechatronic Systems за производство на LED светилки што ќе значи 200 вработувања, објави на својот Фејсбук профил премиерот Никола Груевски.

- Со вчерашната инвестиција на компанијата BRG и рестартирањето на „Порцеланка“ за два дена тоа е објава и почеток на реализација на две нови инвестиции што ќе значат 1200 вработувања, луѓе кои ќе земаат плата, со сигурна иднина и јасна перспектива за своите семејства. Нашата визија се остварува, нашиот план за нови вработувања и за подобар животен стандард, како и поддршка и развој економијата станува реалност. Ние така и ќе продолжиме да се грижиме за граѓаните и да работиме за нештата кои се важни за напредокот на Република Македонија!, наведува премиерот Груевски.

Договорот за реализација на инвестицијата на компанијата German Electro-Mechatronic Systems GmbH (GES) во Република Македонија ќе биде потпишан денеска во Владата.